WELKOM by Booysens
Beertjies Kleuterskool
is ‘n geregistreerde liefdadigheidsorganisasie in Booysens, Pretoria-Wes. Kinders van die ouderdom twee tot vyf jaar kan ingeskryf word. Die kleuterskool se grondwet bepaal dat geen kind weggewys mag word, wat nie skoolgeld kan bekostig nie.
GELD SKENKING
BORG 'N KIND PROJEK
SKENK ITEMS OP BEHOEFTELYS
WAT ONS DOEN
Ons kleuterskool ontvang geen subsidie van enige Staatsinstansie nie en ons is afhanklik van skenkings. Ongeveer 99% van die kleuterskool se kleuters betaal geen of ‘n geringe bedrag skoolgeld. Booysens Beertjies kleuterskool se skoolgelde word baie laag gehou sodat almal wat ‘n behoefte aan onderrig het, ‘n plekkie kan kry.
Ons kleuters ontvang op ‘n daaglikse basis ontbyt, ‘n peuselhappie van vrugte of ‘n broodjie rondom 10 uur en ‘n gekookte middagete voordat hulle huis toe gaan. Vir baie van die kleuters is hierdie die enigste kos wat hulle op ‘n dag kry
Ons wil graag gebalanseerde, gesonde en gelukkige kinders, wat skoolgereed is, na die Laerskool aanstuur en daarom investeer ons baie tyd, aandag en energie hieraan. In die laaste 29 plus jaar wat die kleuterskool reeds die omgewing bedien, het daar ‘n groot aantal minderbevoorregte kinders gebaat by die hulp en maatskaplike dienste wat die kleuterskool bied.
Die kleuterskool het tans ses tweetalige klasse. Die kleuterskool volg ‘n uitgewerkte Kurrikulum met temas reg deur die jaar. Ons is baie trots op die gehalte onderrig wat aan die kleuters gebied word.
HOE KAN JY HELP?
Jy kan maandeliks aan ons ‘n geldelike skenking maak waarvoor jy aan die einde van die jaar ‘n Artikel 18(A) sertifikaat kan ontvang. Hierdie sertifikaat word uitgereik vir geld want aan die liefdadigheidsorganisasie geskenk word en kan van belasting afgetrek word.
Ons het ook ons Borg-‘n-kind-projek wat behels dat die maandelikse skoolgeld van die betrokke kleuter deur ‘n borg gedek word. Sommige borge wil ook graag aan die kind se ander behoeftes voorsien deur bv. klere te skenk, geskenke of ‘n kospakkie aan die gesin.
Klink hier vir behoeftelys
Brei en skenk ‘n beer vir ons verjaarsdagprojek.
Ons het ‘n behoeftelys wat gereeld opgedateer word en skenkings vanaf hierdie lys word opreg waardeer.
Help ons om ‘n verskil te maak in ‘n kleuter se lewe, wat aan moeilike omstandighede uitgelewer is.
ONS BORGE
